16 октомври – Светски ден на храната
16 години без Тоше Проески – музичка ѕвезда, која никогаш нема да згасне
Денес во нашето училиште беше изразена почит кон храната и кон големото дело на Тоше Проески.
Во холот на училиштето на неколку штандови беше презентиран богат избор на храна, изработена од вештите раце на нашите креативни ученици, во организација на Младинската канцеларија.
Прекрасните вкусови и изглед на разни видови храна беа збогатени со безвременската музика од Тоше.
Почит кон делото на Тоше Проески изразија и учениците од дисперзираните паралелки во Пехчево.
